Top.Mail.Ru

Сайт нұсқасы

ru kz

Зектілері

Алматыдағы тәртіпсіздіктерден екі бала қайтыс болды

Опубликовано:

Жедел жәрдем
Көрнекі сурет: pixabay.com

Алматыдағы тәртіпсіздіктерден 4 жасар қыз бала мен 11 жасар жеткіншек қайтыс болды. Тағы екі бала жарақат алды. Балалар омбудсмені Аружан Саин бұл ақпаратты растады деп хабарлайды KAZ.NUR.KZ тілшісі.

"7 қаңтар 19.00-де Сейфуллин мен Сәтбаев көшелерінің қиылысында апалы-сіңлілі қыз балалар отырған көлік оққа ұшырады. 4 жасар кішкентай қыз оқиға орнында көз жұмды. Оның 15 жастағы әпкесі оқ жарақатымен ауруханаға жеткізілді. Қыз балаға ота жасалды, ол жансақтау бөлімінде", - деп хабарлайды Саин.

Ол, сондай-ақ 7 қаңтар күні Алматыда 8 жасар қыз бала оқ жарақатын алғанын хабарлады. Дәрігерлер оны құтқарып қалған.

Бұған дейін Саин 11 жасар жеткіншек 5 қаңтар күні ата-анасымен серуендеп жүрген сәтінде оқ жарақатын алып, қайтыс болғанын хабарлаған еді.

Мақаланың түпнұсқасы: https://kaz.nur.kz/accidents/1949967-almatydagy-tartipsizdikterden-eki-bala-qaitys-boldy/

pixel