Қазақстандағы әуежайлардың барлығы жұмыс істеп тұр ма

Индустрия және инфрақұрылымдық даму министрлігі азаматтық авиация комитетінің ресми Telegram арнасында қазақстандық әжежайлардың жұмысы туралы ақпарат жарияланды.

Ведомство ұсынған ақпаратқа сәйкес, Алматы мен Талдықорған әуежайларын қоспағанда, Қазақстандағы барлық әуежайлар штаттық режимде жұмыс істеп тұр.

Осы орайда азаматтық авиация комитеті Алматы мен Талдықорған әуежайларының қызметі жағдай бірқалыпқа келген соң қайта жанданатынын мәлімдеді.

Естеріңізге сала кетейік, "Қазтелерадио" бұрын интернетпен ғана жұмыс істеген теледидарларды қазір қалай қосуға болатынын айтып берген болатын.