RU

Елдегі тәртіпсіздіктерден кейінгі Талдықорған қандай күйде

Алматы облысының әкімдігі
Фото: NUR.KZ

Талдықорған тұрғындары біртіндеп қалыпты өмірге оралуда. Бүгінде жаппай тәртіпсіздік оқиғасының зардаптары жойылып жатыр. Қалада тоналған супармаркеттер мен қиратылған мемлекеттік нысандарды қалыпқа келтіру басталды, деп жазады KAZ.NUR.KZ.

5-6 қаңтар күні Талдықорғанда мемлекеттік нысандарға шабуылдады.

Алматы облысы әкімдігіне, қалалық полиция басқармасына, Nur Otan партиясы филиалының ғимаратына, облыстық полиция департаментіне үлкен зақым келтірілді.

Талдықорғандағы тәртіпсіздіктер
Фото: NUR.KZ

Cонымен қатар, тергеу изоляторына да шабуылдаған. Алайда, тәртіп сақшылары содырларға тойтарыс берген.

Алматы облысының әкімдігі
Фото: NUR.KZ

Оған қоса, лаңкестер тобы дүкендер желілерін қиратып тонаған. Қазіргі уақытта, супермаркеттердің жұмысы жандануда. Жаппай тәртіпсіздіктің зардаптары жойылып жатыр. Сауда және өзге нысандар күзет күшейтілді.

Талдықорғанда өртенген көлік
Фото: NUR.KZ

Бүгінде қалада қоғамдық көліктер жүре бастады. Олар таңғы сағат 8.00-ден кешкі 18.00-ге дейін қатынайды. Бұл туралы облыстық жолаушылар көлігі және автомобиль жолдары басқармасының басшысы Ғалымжан Дәрібаев мәлімдеді.

Талдықорғандағы полиция басқармасы
Фото: NUR.KZ

Алматы облысы әкімінің баспасөз қызметінің хабарлауынша, 10 қаңтар күні өңір басшысы Қанат Бозымбаев жауапты тұлғаларға штаттық режимдегі жұмысқа көшу мәселесін іске асыруды тапсырған.

Талдықорғандағы алаң
Фото: NUR.KZ

Қанат Бозымбаев өңірде материалдық шығынды бағалау бойынша арнайы комиссия жұмыс істеп жатқанын атап өтті.

Талдықорғанда өртенген көлік
Фото: NUR.KZ

Cондай-ақ қалада аса ірі сауда нысандары, базарлар мен жанармай бекеттері ашылу керек.

Талдықорғандағы полиция басқармасы
Фото: NUR.KZ

Облыс орталығында интернет қосылды. Дәріханалар мен медициналық мекемелер штаттық режимде жұмыс істеп жатыр.

Талдықорғандағы Nur Otan ғимараты
Фото: NUR.KZ
"Облыста жағдай тұрақталды. Сол себепті, біртіндеп бұрынғы өмірге оралуымыз керек. Біріккен жағдайда біз жақын арада облыстық шаруашылық пен жетісулықтардың өмірінің қалыпты деңгейіне шығамыз деген ойдамын", - деді әкім.

Мақаланың түпнұсқасы: https://kaz.nur.kz/society/1950540-eldegi-tartipsizdikterden-keiingi-taldyqorgan-qandai-kuide-foto-video/