"Ауғанстан азаматтарын Шымкентке әкелген": Желіде тағы бір жалған ақпарат қызу талқылануда

Telegram мессенджерінде ауғанстандықтарды елімізге өткен жылдың жазында үкіметтің бұйрығымен әкелінгені туралы хабарламалар тарап жатыр.

Көпшіліктің талқсына түскен хабарламаларда шетел азаматтарының Шымкентте орналастырғаны көрсетілген.

Сыртқы істер министрлігінің мәліметінше, бұл мәліметтер фейк, деп жазады Stopfake.kz.

"Ондай ештеңе болған жоқ. Бұл ақпарат шындыққа жанаспайды, – деп хабарлады ведомствоның баспасөз қызметі.

Естеріңізге сала кетейік, осыған дейін белгісіз біреулер әлеуметтік желілер мен мессенджерлерде Алматы маңындағы әскери биозертхананы басып алғаны туралы ақпарат таратқан еді. Алайда денсаулық сақтау министрлігі бұл ақпаратты жоққа шығарды.