Нұр-Сұлтанда ТЖ режимі кезінде 200-ден аса адам ұсталды
Опубликовано:
Нұр-Сұлтан комендатурасы 12 қаңтар бойынша елордадағы жағдайды баяндады. ТЖ режимі енгізілген уақыттан бастап, қалада 200-ден аса адам ұсталған, деп жазады KAZ.NUR.KZ.
Комендатураның хабарлауынша, елордада жағдай тұрақты. Қаланың шығаберістерінде алты блок-бекет жұмыс істеп тұр.
"Төтенше жағдай режимі енгізілген уақыттан бері 200-ден аса адам ұсталды. Олардың 28-і әкімшілік жауапкершілікке тартылды. ТЖ кезінде жалған ақпараттар пайда болды. Олар дер кезінде тоқтатылды. Тек ресми ақпараттарға сенуге шақырамыз", - делінген хабарламада.
Тәртіп сақшылары бұл уақытқа дейін жалған ақпаратты таратудың үш дерегін анықтады. Аталған фактілер бойынша қылмыстық істер қозғалды.
Кінәлілер 7 жылға дейін бас бостандығынан айырылу мүмкін.
Елорда комендатурасы тұрғындарды коменданттық сағатты бұзбауға шақырды.
Мақаланың түпнұсқасы: https://kaz.nur.kz/society/1950721-nur-sultanda-tz-rezimi-kezinde-200-den-asa-adam-ustaldy/