15 қаңтарда еліміздің тағы екі облысында төтенше жағдай режимі алынады

Қостанай облысы мен Ақмола облысында енгізілген төтенше жағдай режимі алынады. Президенттің тиісті жарлығы Ақорда сайтында жарияланды.

"Төтенше жағдай туралы" Қазақстан Республикасы Заңының 9-бабына сәйкес:

• Ақмола облысының шекараларындағы төтенше жағдайдың күші 2022 жылғы 15 қаңтардағы 07 сағат 00 минуттан бастап жойылсын;
• Қостанай облысының шекараларындағы төтенше жағдайдың күші 2022 жылғы 15 қаңтардағы 07 сағат 00 минуттан бастап жойылсын", - делінген президент жарлығында.

Еске сала кетсек, бүгін, 14 қаңтарда сағат 18:00-ден бастап Шымкент қаласы мен Шығыс Қазақстан, Қарағанды, Түркістан облыстарында төтенше жағдай режимі аяқталды.

Айта кетейік, бұған дейін еліміздің 2 мегаполисі мен 12 облысында жағдай тұрақталып, осыған байланысты антитеррористік операциялар аяқталған болатын.

Сондай-ақ, аталмыш өңірлерде террористік қауіптің шекті "қызыл" деңгейі жойылған еді.