Оралда пластикалық орындыққа басы қыстырылып қалған 6 айлық сәби құтқарылды

Орал қаласында пластикалық орындыққа басы қыстырылып қалған 6 айлық бала құтқарылды, деп хабарлайды ҚазАқпарат.

Батыс Қазақстан облыстық төтенше жағдайлар департаменті баспасөз қызметінің мәліметінше, оқиға 16 қаңтар күні "Бәйтерек" шағынауданында болған.

Сағат 13.06-да Үркер көшесіндегі үйде пластикалық орындыққа бір жасқа толмаған қыз баланың басы қыстырылып қалғаны туралы хабар түскен.

ТЖ қызметкерлерінің жедел іс-әрекеті нәтижесінде сәби құтқарылған.

Осы орайда ведомство балаларды қараусыз қалдырмау керектігін еске салды.

Айта кетейік, бұған дейін елордалық дәрігерлер балалардың қандай затты жиі жұтып қоятынын айтқан еді.