Top.Mail.Ru

Сайт нұсқасы

ru kz

Зектілері

Үкіметте ішкі нарықты сұйытылған газбен қамтамасыз ету мәселесі қаралды

Опубликовано:

Бензин41
Көрнекі фото: pixabay.com

Үкімет басшысы Әлихан Смайыловтың төрағалығымен өткен Мұнай-газ және энергетика салаларын дамыту жөніндегі ведомствоаралық комиссияның (ВАК) отырысында ішкі нарықты сұйытылған газбен үздіксіз қамтамасыз ету мәселесі қаралды. Бұл туралы премьер-министрдің ресми сайты хабарлады.

Сайттың мәліметінше, президент Қасым-Жомарт Тоқаевтың тапсырмасын орындау аясында сұйытылған мұнай газын (СМГ) электрондық сауда алаңынан (ЭСА) тыс – жергілікті атқарушы органдардың өтінімдері негізінде ішкі нарыққа жеткізу жоспары арқылы сату туралы шешім қабылданған.

Сондай-ақ, Қазақстанның ішкі нарығына сұйытылған мұнай газын жеткізу жоспарын қалыптастыру қағидаларына мұнай-газ химиясы кәсіпорындарымен және топтық резервуарлық қондырғылармен (тұрмыстық мұқтаждықтар үшін) қатар, СМГ-ны ЭСА-дан тыс сатып алуға құқығы бар субъектілердің тізімін кеңейтуді көздейтін өзгерістер енгізілген.

Мұндай құқыққа автогаз құю станциялары, газ желісі ұйымдары, газ толтыру бекеттері, газ толтыру станциялары ие болған.

Одан бөлек, ВАК Энергетика министрлігі субъектілердің аталған жаңа санаттары үшін ЭСА-дан тыс ішкі нарықта СМГ-ны бөлуге уәкілетті екенін атап өтті.

Сонымен қатар, СМГ көтерме және бөлшек саудада өткізудің 150-ден астам субъектісі жұмыс істейтін өңірлердің әкімдіктері осындай субъектілер арасында сұйытылған мұнай газын бөлудің өз тетіктерін әзірлеуге уәкілетті.

"2021 жылғы желтоқсанда және 2022 жылғы қаңтарда бөлшек саудада өткізушілер ЭСА-лардан сұйытылған газ көлемдерін көтерме нарық бағалары бойынша сатып алды. Биыл 5 қаңтарда сұйытылған мұнай газын бөлшек саудада сатуға шекті бағалар белгіленді (өңірлерге қарай – бір литрі үшін 50 теңгеден 70 теңгеге дейін, шалғай аудандарда – бір литрі үшін 55 теңгеден 75 теңгеге дейін), сондай-ақ шекті көтерме бағасы бір тоннасы үшін 38 701 теңгеден 28 000 теңгеге дейін төмендеді", - делінген үкімет хабарламасында.

Мақаланың түпнұсқасы: https://kaz.nur.kz/society/1951609-vedomstvoaralyq-komissiya-iski-naryqty-suiytylgan-gazben-qamtamasyz-etu-boiynsa-zana-sesim-qabyldandy/

pixel