Қызылорда облысында блокбекеттер алынып тасталды (видео)

Кеше Қызылорда облысындағы блокбекеттер алынды. Бұндай ақпаратты қорғаныс министрлігі Facebook әлеуметтік желісіндегі парақшасында таратты.

"Төтенше жағдай режимі жарияланған алғашқы күннен бастап әскери қызметшілер мен ішкі істер органдарының қызметкерлері Қызылорданың блок-бекеттерінде бақылау-өткізу режимін қамтамасыз ету міндеттерін атқарды.

Блок бекеттер алынып, Қарулы Күштердің бөлімшелері де тұрақты орналасқан пунктіне оралды", - делінген хабарламада.

Айта кетсек, бүгін, 19 қаңтардан бастап Қазақстанда төтенше жағдай мен коменданттық сағат режимі аяқталды.

Алайда Алматы қаласы мен Алматы облысында террористік қауіптің "қызыл" деңгейі сақталуда.