Алматы мәйітханасынан ұрланған мүрделердің жеке басы анықталды

Алматы мәйітханасынан денелері зерттелмей әкетілген мүрделердің жеке басы анықталды. Бұл туралы оңтүстік астананың полиция департаментінің баспасөз қызметі хабарлады.

"Алматы қалалық Полиция департаменті мәселе денелері зерттелмей әкетілген мәйіттердің жерленген орындарының табылғаны туралы болып отырғанын хабарлайды. Олардың жеке басы анықталды. Сот-медициналық сараптамалар ҚР Қылмыстық іс жүргізу заңына сәйкес жүргізілетін болады", - делінген қалалық полиция департаментінің баспасөз хабарламасында.

Айта кетейік, бұған дейін Алматы маңынан содырлар жерленген жасырын зират табылғанын хабарлаған болатынбыз.