Алдағы 3 күнде елімізде күн жылынады деп күтілуде

"Қазгидромет" РМК 25-27 қаңтарға арналған ауа райы болжамын ұсынды, деп хабарлайды KAZ.NUR.KZ тілшісі.

Cиноптиктердің мәліметінше, алдағы күндері Қазақстанның басым бөлігінде атмосфералық ағындардың өтуіне байланысты, жауын-шашын, қар, екпінді жел, батыс, солтүстік, орталық және шығыс өңірлерде бұрқасын күтіледі.

Республиканың оңтүстігі мен оңтүстік-шығысында көктайғақ болады. Түнде және таңертең кей жерлерде тұман түсуі ықтимал.

27 қаңтарға қарай күндіз температура жоғарылап, оңтүстік аймақтарда 10 градусқа дейін жылы болады.

Ал батыс аймақтарда 8 градусқа дейін, солтүстік, орталық аймақтарда 7-ден 15 градусқа дейін шығыста 7-ден 20 градусқа дейін аяз күтіледі.