Алматыда ұрланған мылтық пен оқ-дәрілердің қоймасы табылды

Алматыда ұрланған мылтық пен оқ-дәрілердің қоймасы табылды, деп хабарлайды Polisia.kz.

Алматы қалалық полиция департаментінің мәліметінше, құпия орын "Шаңырақ" ықшам ауданындағы жеке тұрғын үйдің еденінің астынан табылған.

Онда тәртіпсіздікке және қару-жарақ дүкенін тонауға қатысқан төрт адам қару-жарақ пен оқ-дәрілерді сақтаған.

"Атап айтқанда, тінту кезінде оқтары бар екі мырыш, 12 РГД және Ф-1 гранатасы, АК-47-ге арналған екі патрон, оқ өткізбейтін киім, қалқандар, дулығалар, РПГ снаряды, тегіс ұңғылы мылтық, тоғыз мылтық және тағы басқалары анықталды. Айғақты заттарды тергеу-жедел тобы процессуалдық тәртіпте тәркіледі.

Іс Қылмыстық кодекстің 188-бабы 3-бөлігі және 291-бабы 1-бөлігі бойынша тіркелді. Күдіктілер уақытша ұстау изоляторына қамалды", – дейді Алматы қалалық полиция департаменті бастығының орынбасары Берік Әбілбеков.

Әбілбековтің айтуынша, ұсталғандар арсенал табылған жалдамалы үйде бірге тұрған. Олардың жасы 27, 35, 39-да.