Алматыда электр жарығы толықтай қалпына келтірілді

Алматыда электр жарығы толықтай қалпына келтірілді, деп хабарлайды KAZ.NUR.KZ тілшісі "Алатау Жарық компаниясы" акционерлік қоғамына сілтеме жасап.

"Алатау Жарық компаниясы" акционерлік қоғамы "Солтүстік-Оңтүстік" жоғары вольтты электр желілеріндегі апаттық жағдайға байланысты электр қуатынан ажыратылған Алматы қаласының тұтынушыларын электрмен жабдықтауды толық көлемде қалпына келтірді", - делінген хабарламада.

Барлық ажыратылған абоненттерге электр энергиясы толықтай берілгені белгілі болды.

Компания нақтылағандай, апат кезінде мегаполистің барлық әкімшілік аудандары бойынша 92 мыңнан астам тұтынушы жарықсыз қалған, оның 88,5 мыңға жуығы – тұрғын үйлер мен пәтерлер.

Еске салсақ, бұған дейін Алматы мен еліміздің бірқатар өңірінде жарық сөнгені туралы жазған едік.