Қазақстан командасы Бейжің олимпиадасына ертең ұшып кетеді

Қазақстандық спортшылар Бейжіңде өтетін қысқы Олимпиада ойындарына ертең, 27 қаңтарда ұшып кетеді, деп хабарлайды Olympic.kz. 

Команданың негізгі бөлігі Нұр-Сұлтаннан Алматы арқылы чартерлік рейспен Қытайға ұшады. Ал шетелдерде жиында жүрген спортшылар жеке график бойынша Бейжіңге барады. 

Қазіргі уақытта қазақстандық атлеттер жабық карантин аймақтарында орналасқан.

Айта кетейік, Бейжің-2022 ұйымдастыру комитеті мен Халықаралық олимпиада комитеті ойынға қатысушылардың денсаулығын сақтау үшін қатал шаралар қолдануда. 

Спортшыларға күнделікті жүріс-тұрысын енгізіп отыратын "плейбук" шығарылды.

Еске сала кетсек, қысқы олимпиада ойындары 4 ақпанда басталады. Жалпы 109 медаль жиынтығы сарапқа салынбақ.