Атырау облысында жантүршігерлік жол апатынан 2 бала мен 3 ересек адам көз жұмды

Атырау облысында жантүршігерлік жол апатынан 5 адам мерт болды, деп хабарлайды ҚазАқпарат.

Облыстық полиция департаментінің баспасөз қызметінен мәлім еткендей, жол-көлік апаты бүгін, 28 қаңтарда сағат 16:00 шамасында болған.

Атырау облысының Доссор кентінен Маңғыстау өңіріндегі Бейнеу ауданы бағытына қатынайтын тас жолдың 71-шақырымында екі көлік соқтығысқан.

Оның бірі – Өзбекстан Республикасында тіркелген "MAN" маркалы жүк тасымалдайтын, ал, екіншісі – Алматы облысының тұрғынына тиесілі "Toyota Camry" маркалы жеңіл көлік.

"Жол-көлік апатының салдарынан "Toyota Camry" көлігінің жүргізушісі мен 4 жолаушысы оқиға орнында мерт болды. Көз жұмғандардың екеуі – кәмелет жасына толмаған жасөспірім", -деп мәлім етті баспасөз қзыметінен.

Қазір полиция қызметкерлері жол-көлік апатын болған орнында тергеп-тексеру амалдарын жүргізуді бастады.