Мәскеуде 22-қабаттан құлап кеткен мектеп оқушысы ғажайыптың күшімен аман қалды

Ресей астанасы Мәскеуде 22-қабаттан құлаған мектеп оқушысы ғажайыптың күшімен аман қалды, деп хабарлайды РИА Новости.

Басылымның құқық қорғау органдарындағы дереккөздеріне сілтеме жасап хабарлауынша, қазір оқушы дәрігерлердің бақылауында.

"Загорьевской көшесінде 22-қабаттың терезесінен мектеп оқушысы құлап кетті. Ол аман. Қазір дәрігерлердің бақылауында, тексеріс басталды", - деп келтіреді басылым дереккөздің сөзін.

Сонымен бірге, оқушы қыздың ауыр жарақат алмағаны белгілі болды.

Еске сала кетсек, бұған дейін Қостанайда 5 қабаттан құбыр арқылы түспек болған қыздың көз жұмғанын жазған едік.

Қостанай облыстық полиция департаментінің мәліметінше, бойжеткеннің аяғы тайып кеткен.