Синоптиктер еліміздің бірнеше өңірінде дауылдық ескерту жариялады

Опубликовано:

Қар
Көрнекі фото: NUR.KZ/Владимир Третьяков

Синоптиктер 2 ақпанға арналған ауа райы болжамын ұсынып, еліміздің бірнеше өңірінде дауылдық ескерту жариялады, деп хабарлайды KAZ.NUR.KZ тілшісі "Қазгидромет" РМК баспасөз қызметіне сілтеме жасап.

Синоптиктердің болжамынша, 2 ақпанда Қарағанды облысының солтүстігінде тұман түсуі ықтимал.

Батыс Қазақстан облысының солтүстік-шығысында, шығысында көктайғақ, облыстың солтүстігінде, оңтүстік-шығысында тұман күтіледі.

Қызылорда облысының орталығында да тұман түсуі мүмкін.

Сонымен қатар, Атырау облысының батысында, солтүстігінде және орталығында тұман күтіледі.

Еске сала кетсек, бұған дейін синоптиктер елімізде 1-3 ақпан аралығында ауа райы қандай болатынын болжаған еді.

Мақаланың түпнұсқасы: https://kaz.nur.kz/society/1954098-sinoptikter-elimizdin-birnese-onirinde-dauyldyq-eskertu-zariyalady/