Жамбыл облысының тұрғыны 30 жыл бойы құжатсыз өмір сүріп келген

Жамбыл облысында полицейлер жергілікті тұрғынға құжат алуға көмектесті. Ер адам 30 жыл бойы құжатсыз өмір сүрген, деп хабарлайды KAZ.NUR.KZ тілшісі облыстық ПД баспасөз қызметіне сілтеме жасап.

Полиция департаменті Комил Шерматов Қазақстанға басқа мемлекеттен көшіп келгенін, алайда құжат ала алмағанын хабарлады. Нәтижесінде ауыл тұрғыны 30 жыл бойы жеке тұлғасын растайтын құжатсыз өмір сүргені анықталған.

Шерматов сол себепті тегін медициналық көмекке жүгіне алмаған. Миграциялық қызмет қызметкерлері ер адамға тиісті құжаттарды жинауға көмектескен. Нәтижесінде ол азаматтықсыз жеке куәлік ала алды.

"Азаматтық туралы" Заңның 16-бабында ҚР азаматтығын ел аумағында кемінде 5 жыл тұрақты тұратын немесе ҚР азаматымен некеде тұрған және елде кемінде 3 жыл тұратын адамдар ала алады делінген.