Қызылордада 4 жасар қыздың асқазанынан бір келі шаш шықты

Опубликовано:

Қыз бала
Көрнекі фото: Pexels

Қызылордада төрт жастағы қыздың асқазанынан салмағы 1 келі, ұзындығы 34 см болатын шаш шықты, деп хабарлайды Астана телеарнасы.

Телеарнаның мәліметінше, бүлдіршін ішінің ауырғанына шағымданған. Анасы қызының құсып, асқа тәбетінің болмай жүргеніне алаңдап, дәрігерге апарған.

Медициналық тексеріс барысында, ішінде бөгде заттың бары анықталып, жедел ота жасалған.

Дәрігерлер мұндай жағдай соңғы кезде жиі кездесетінін айтты. Былтыр күздеде дәл осындай оқиға орын алған.

Мамандар бұл қан аздықтан, яғни анемиядан болады деп отыр. Сонымен қатар әр нәрсені ауызға салу да зиянды екенін ескертті.

"Анасының айтуы бойынша 1 жасынан бастап шаш жей бастаған. Тәбеті өзгере бастаған. Бұл енді анемияға байланысты болып тұр. Бала кейіннен жақсы болып кетеді. Әрі қарай шаш жемейді. Анамиясын емдесе балалар әрі қарай қалыпты өмір сүріп кете береді", - деді Көпбейінді облыстық балалар ауруханасының бөлім меңгерушісі Әлімжан Төлегенов.

Материал авторы: М. Тоқтасынқызы

Мақаланың түпнұсқасы: https://kaz.nur.kz/society/1954697-qyzylordada-4-zasar-qyzdyn-asqazanynan-bir-keli-sas-syqty/