Алматыдағы аудандардың бірінде екі түн бойы суық су өшіріледі

Алматы қаласы Түрксіб ауданындағы бірқатар үйде екі күн бойы түнгі уақытта суық су өшірілмек. Бұл туралы "Алматы су" мемлекеттік мекемесінің Instagram парақшасында хабарланды.

Великолукский - Жансүгіров - Сокольский - Палладин - Егоров көшелері аумағында 8 ақпан күні 22.00-ден 9 ақпан таңғы сағат 06.00-ге дейін;

Жансүгіров - Сокольский - Палладин - Запорожкая көшелерінде 9 ақпан күні 22.00-ден 10 ақпан күнгі 06.00-ге дейін суық су беру тоқтатылады.

"Суық сумен жабдықтау қызметі бойынша уақытша шектеулер қолданыстағы сумен жабдықтау жүйесіне жаңа су құбырын қосу үшін енгізіледі", - деп түсіндірді "Алматы су".

Мемлекеттік мекеме қызметкерлері алматылықтарды уақытша қолайсыздықтарға түсіністікпен қарауға шақырды.