Коронавирус: Эпидемиологиялық ахуал жақсарып, тағы бір облыс "қызыл" аймақтан шықты

Елдегі эпидемиологиялық ахуалды бағалау матрицасы жаңарды. Оған сәйкес, Атырау облысы коронавирустың таралу көрсеткіші бойынша "қызыл" аймақтан "сары" аймаққа өтті. Бұл туралы COVID-19-дың таралуына жол бермеу жөніндегі ВАК Telegram каналы хабарлады.

8 ақпандағы жағдай бойынша Қазақстан өңірлеріндегі эпидемиологиялық ахуалды бағалау матрицасы келесідей:

• "Қызыл" аймақта: Нұр-Сұлтан, Алматы қалалары мен Алматы, Ақтөбе Ақмола, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстары.
• "Сары" аймақта: Атырау, Жамбыл облыстары
• "Жасыл" аймақта Шымкент қаласы мен Қызылорда, Маңғыстау, Түркістан облыстары тұр.

Айта кетейік, елімізде бір тәулікте коронавирус жұқтырғандар саны 2004-ке дейін азайған болатын.

Сонымен қатар, өткен тәулікте 9 867 адам аурудан жазылып шықты.

Қазір Қазақстанда 87 637 адам коронавирус инфекциясынан емделуде, олардың ішінде 9 647 пациент стационарда, 77 990 науқас амбулаториялық деңгейде ем қабылдауда.

437 адамның жағдайы ауыр, 171 пациенттің жағдайы өте ауыр деп бағалануда.

Мақаланың түпнұсқасы: https://kaz.nur.kz/society/1955066-koronavirus-epidemiologiyalyq-axual-zaqsaryp-tagy-bir-oblys-sary-aimaqqa-otti/