Қазақстан тағы алты елдің вакцинация паспортын мойындады

Қазақстан тағы алты елдің коронавирусқа қарсы вакцинация паспортын мойындады. Тиісті қаулы Денсаулық сақтау министрлігі Санитарлық-эпидемиологиялық бақылау комитетінің ресми сайтында жарияланды.

Бұған дейін Қазақстан вакцинация паспортын мойындаған мемлекеттер тізіміне 24 ел кірген еді.

Жаңа қаулыға сәйкес, аталған тізімге тағы 6 ел - Белиз, Боливия, Ұлыбритания, Индонезия, Шри-Ланка және Эквадор қосылды.

Жалпы алғанда Қазақстанда Аргентина, Белиз, Боливия, Ұлыбритания, Мажарстан, Грузия, Индонезия, Иран, Иордания, Канада, Қырғызстан, Мальдив, Моңғолия, Армения, Беларусь, Молдова, Перу, Сан-Марино, Сербия, Тунис, Үндістан, Филиппин, Таиланд, Түркия, Черногория, Чехия, Шри-Ланка, Эквадор, Эстония және Жапония мемлекетінің коронавирусқа қарсы вакцинация паспорттары/сертификаттары/анықтамалары жарамды.