Қазақстандықтар наурыз айында қанша күн демалады

Қазақстандықтар биыл наурыз айында екі мемлекеттік мерекені атап өтеді. Осыған байланысты, ел тұрғындары бірнеше күн демалатын болады, деп хабарлайды KAZ.NUR.KZ тілшісі Электрондық үкімет порталына сілтеме жасап.

Алдағы айда елімізде 8 наурыз Халықаралық әйелдер күні мен 21-23 наурыз аралығында Наурыз мейрамы тойланады.

Атап айтқанда, Халықаралық әйелдер күніне орай тұрғындар қатарынан үш күн - 6-7-8 наурыз демалатын болады.

7 наурыз дүйсенбіге түсіп тұрғандықтан, тұрғындар 5 наурыз - сенбі күні жұмыс істеп, сәйкесінше дүйсенбі күні демалатын болды.

Сонымен бірге, тұрғындар 21-23 наурыз аралығында Наурыз мейрамын атап өтеді. 19 және 20 наурыз күндері сенбі-жексенбіге түсіп тұрғандықтан, қазақстандықтар қатарынан бес күн демалатын болады.

Жалпы алғанда, наурыз айында аптасына бес күн жұмыс істейтін азаматтар 12 күн демалады.