Павлодарда трамвай жолдан шығып кетті (видео)

Павлодарда трамвай жолдан шығып кетті. Оқыс жайт Назарбаев -Ломов көшелерінің қиылысында болды, деп хабарлайды Рavlodarnews.kz.

"Бүгін сағат 14:50-де жүргізуші бағыттамалық бұрмадағы бұрылысты аяқтаған кезде қозғалыс қауіпсіздігіне көз жеткізбей, екінші арбамен жылдамдықты асырып жіберген. Нәтижесінде вагон жолдан шығып кетті. Жол шаруашылығына және трамвайға зиян келтірілген жоқ", - дейді трамвай басқармасында.

Апат кезінде вагонда жолаушылар болған. Трамвай 14 бағыт бойынша жүрген.