"13 градус жылы": Синоптиктер алдағы демалыста ауа райы қандай болатынын болжады
Опубликовано:
"Қазгидромет" РМК 19-21 ақпанға арналған ауа райы болжамын жариялады, деп жазады KAZ.NUR.KZ тілшісі.
Синоптиктердің мәліметінше, алдағы үш тәулікте Қазақстанның басым бөлігінде жауын-шашынсыз ауа райын сақталады.
Сонымен қатар, республиканың батысында жаңбыр мен қар түрінде жауын-шашын жауады.
20-21 ақпан аралығында солтүстік-батыста, 21 ақпанда елдің солтүстігінде қар жауып, жел күшейеді, одан бөлек көктайғақ болуы ықтимал.
Сондай-ақ, синоптиктердің болжамынша, Қазақстанның барлық аумағында ауа температурасы жоғарылайды деп күтілуде.
Атап айтқанда, батыста түнде ауа температурасы -5...+5 аралығында құбылса, күндіз +2...+13 жылы болады.
Солтүстікте, солтүстік-батыста түнде -5...-16 градус суық болса, күндіз -8...+ 2 градусқа дейін жылы болуы мүмкін.
Орталықта, шығыста түнде -8...-17 градус суық, күндіз ауа температурасы -1...-10 градус салқын болады деп күтілуде.
Ал еліміздің оңтүстігі мен оңтүстік-шығысында түнде сынап бағанасы -5...+5 градус көрсетеді, күндіз + 5...+13 градусқа дейін жылы болады.
Мақаланың түпнұсқасы: https://kaz.nur.kz/society/1956834-13-gradus-zyly-sinoptikter-aldagy-demalys-kunderi-elimizde-aua-raiy-qandai-bolatynyn-bolzady/