Синоптиктер еліміздің бірнеше өңірінде дауылдық ескерту жариялады

"Қазгидромет" РМК еліміздің бірнеше өңірінде ауа райына байланысты дауылдық ескерту жариялады.

Синоптиктердің болжамынша, 22 ақпанда Қостанай облысының батысында бұрқасын күтіледі. Өңірдің оңтүстігінде тұман, көктайғақ болуы ықтимал. Оңтүстік-батыстан, оңтүстіктен жел соғып, облыстың батысында екпіні 15-20 м/с дейін жетуі ықтимал.

22 ақпанда Ақтөбе облысының оңтүстігінде көктайғақ күтіледі.

22-23 ақпанда түнде және таңертең Алматы облысының солтүстігінде тұман түсуі мүмкін. Оңтүстік-шығыстан жел соғып, Жалаңашкөл аумағында күші 18-23 м/с дейін жетуі ықтимал.

22-23 ақпанда Атырау облысының батысында, солтүстігінде және орталығында тұман, түнде облыстың солтүстік-шығысында және орталығында көктайғақ күтіледі.

22 ақпанда Ақмола облысының солтүстік-батысында бұрқасын, күндіз көктайғақ күтіледі. Оңтүстік-батыстан жел соғып, облыстың солтүстік-батысында екпіні 15-20 м/с жетуі мүмкін.

22 ақпанда күндіз Көкшетау қаласында да көктайғақ болуы мүмкін.

22 ақпанда күндіз Павлодар облысының солтүстік-батысында бұрқасын болып, оңтүстік-батыстан соққан желдің күші 15-20 м/с дейін жетуі ықтимал.

22 ақпанда күндіз Солтүстік Қазақстан облысының басым бөлігінде қар жауып, облыстың солтүстігінде, оңтүстігінде, шығысында бұрқасын, одан бөлек өңірдің оңтүстігінде тұман, күндіз көктайғақ күтіледі.

Оңтүстік-батыстан жел соғып, түнде облыстың шығысында, күндіз солтүстігінде, оңтүстігінде екпіні 15-20 м/с дейін жетуі ықтимал.