Риддерде мектеп оқушысын қағып кеткен көлік жүргізушісі айыппұлмен құтылды

Риддерде мектеп оқушысын қағып кеткен көлік жүргізушісі видеоға түсіп қалды. Бала жолдан бағдаршамның рұқсат етілген сигналынан өткен, деп хабарлайды Zakon.kz.

Оқиға 26 ақпан күні болған.

Полиция дерегінше, 42 жастағы GAS жүргізушісі Тәуелсіздік даңғылына солға бұрылған кезде реттелетін қиылыста кәмелетке толмаған қызға жол бермеген.

Мектеп оқушысы жолдан бағдаршамның рұқсат етілген сигналынан өткен.

"Аталған факті бойынша көлік жүргізушісіне қатысты ӘҚБтК-нің 600-бабы бойынша жол қозғалысы ережелерінің жаяу жүргіншілерге жол беру талаптарын орындамағаны үшін әкімшілік хаттама толтырылды. Бұл баптың санкциясы он АЕК мөлшерінде айыппұл салуға әкеп соғады.