Бүгін Алматыда телеарналар мен радиолар хабар таратуды тоқтатады

Бүгін, 2 наурызда Алматы қаласында теле-радио тарату уақытша тоқтайды. Бұл Көктөбе станциясындағы жөндеу жұмыстарымен байланысты, деп жазады KAZ.NUR.KZ тілшісі "Қазтелерадио" акционерлік қоғамына сілтеме жасап.

"2022 жылдың 2 наурыз айында сағат 08.00-ден 17.00-ге дейін "Алматы" (Көк-Төбе) радиотелевизиялық станциясында төтенше жағдайдың алдын алу мақсатында жоспарлы профилактикалық іс-шаралар өткізіледі", - делінген хабарламада.

"Қазтелерадио" акционерлік қоғамы уақытша қолайсыздықтар үшін кешірім сұрады.

Айта кетейік, кеше, 1 наурызда бүкіл Қазақстан бойынша дабыл жүйесі іске қосылғанын жазған болатынбыз.