"Көлік ұтып алдыңыз": Ақтөбелік тұрғынды 800 мың теңгеге алдап кетті

Опубликовано:

Алаяқ
Көрнекі фото: Polisia.kz

Ақтөбеде алаяқ тұрғынды 800 мың теңгеге алдап кетті, деп хабарлайды Polisia.kz.

Қаңтар айының басында белгісіз біреу 66 жастағы ер адамның телефонына қоңырау шалып, өзін интернет-дүкеннің қызметкері ретінде таныстырып, оның көлік ұтып алғанын хабарлаған.

Ұтысты алу үшін қоңырау шалушы белгілі бір сомаға жейделер мен сағаттар сатып алу қажет екенін айтқан.

Ұтыс иесі аталған шотқа 800 мың теңгеден астам қаражат аударған. Полиция қызметкерлері күдікті адамды анықтауға және ұстауға бағытталған жедел-іздестіру іс-шараларын жүргізуде.

Мақаланың түпнұсқасы: https://kaz.nur.kz/society/1958971-kolik-utyp-aldynyz-aqtobelik-turgyndy-800-myn-tengege-aldap-ketti/