Наурыз мейрамында Алматыда қар жаууы мүмкін

Синоптиктер жаңа апта басында Алматыда жауын-шашын болады деп болжап отыр. Мамандардың айтуынша, Наурыз мейрамында мегаполисте қар жауады.

Келесі аптада қазақстандықтар Наурыз мейрамын атап өтеді.

Gismeteo дерегінше, осы күндері Алматыда жауын-шашын күтіледі. Синоптиктердің болжауынша, үш күн бойы оңтүстік астанада жаңбыр мен аздаған қар жауады.

21 наурыз, дүйсенбі күні ауа температурасы 0-ден 6 градусқа дейін жылы болады, ал 22 наурызда 1-7 градус арасында жылы болады.

Дегенмен, 23 наурызда күн салқындауы мүмкін. Бұл күні сынап бағанасы түнде 2 градусқа дейін төмендесе, күндіз 5 градусқа дейін көтерілуі ықтимал.

Еске сала кетсек, бұған дейін Ұлыстың ұлы күніне орай қазақстандықтар бес күн – 19, 20, 21, 22 және 23 наурызда демалатынын жазған едік.

24 наурыз, бейсенбі - Наурыз мейрамынан кейінгі алғашқы жұмыс күні болып саналады.