Top.Mail.Ru

Сайт нұсқасы

ru kz

Зектілері

Адам өлтіргені үшін 25 жыл іздеуде жүрген ресейлік әйел Қазақстанда ұсталды

Опубликовано:

Кісен
Көрнекі фото: pixabay.com

ІІМ көліктегі полиция департаментінің бастығы Оңал Бәкиев "Іздеу" және "Мигрант" жедел шаралары барысында кісі өлтіргені үшін 25 жыл іздеуде жүрген Ресей азаматының ұсталғанын мәлімдеді, деп хабарлайды Sputnik Қазақстан.

Әйелді Челябі облысының жедел уәкілдері іздестірген. Қылмыскер 10 наурызда қолға түсті.

"Сәтбаев қаласында департаменттің криминалды полиция басқармасы мен Қарағанды – Сортировочная стансасындағы желілік полиция бөлімінің қызметкерлері Ресейдің 56 жастағы азаматын ұстады. Әйел аса ауыр қылмыс жасағаннан кейін 25 жыл бойы тергеуден жасырынып жүрген", - деді Оңал Бәкиев.

Оның мәліметінше, ұсталған әйел адам өлтіргені үшін 1997 жылдан бері мемлекетаралық іздеуде болған.

Қазіргі таңда күдікті қамауға алынды. Ресейдің құқық қорғау органдарына оның ұсталғаны жайлы хабар берілді. Енді әйелді экстрадациялау мәселесі шешіліп жатыр.

9 наурыздан бері көліктегі полиция департаментінің қызметкерлері іздеу жарияланған 11 қылмыскерді ұстаған. Соның ішінде он азаматты ТМД елдерінің құқық қорғау органдары іздестірген.

Мақаланың түпнұсқасы: https://kaz.nur.kz/society/1961273-adam-oltirgeni-usin-25-zyl-izdeude-zurgen-reseilik-aiel-qazaqstanda-ustaldy/

pixel