ІІМ қару-жарақ пен оқ-дәрі сақталған 97 қойманың көзін жойды

ІІМ қару-жарақ пен оқ-дәрі сақталған 97 қойманың көзін жойды, деп хабарлайды Polisia.kz.

Ішкі істер министрлігі заңсыз айналымнан атыс қаруы мен оқ-дәрілерді, оның ішінде қаңтарда болған жаппай тәртіпсіздік кезінде ұрланған заттарды тәркілеу аясында тиісті шаралар қабылдап жатыр.

Криминалдық полиция ІІО қызметтерімен бірлесіп жүргізген жедел-іздестіру шараларының нәтижесінде заңсыз айналымнан 1268 бірлік атыс қаруы, оның ішінде 127 автомат, бір пулемет, 395 тапанша, 144 ойық карабин, 414 тегіс ұңғылы мылтық, сондай-ақ 238 гранат және 33 мыңнан астам түрлі калибрлі оқ-дәрі тәркіленді.