Үш облыста төрт жол учаскесі жабылды: "ҚазАвтоЖол" мәлімдеме жасады

Ақмола, Қарағанды және Қостанай облыстарында автожол учаскелері жабылды. Бұл туралы Қазақстан автомобиль жолдарының ұлттық операторы "ҚазАвтоЖол" өзінің ресми Instagram парақшасында жариялады, деп хабарлайды KAZ.NUR.KZ тілшісі.

Хабарламада Қазақстанның үш өңірінде "Жезқазған-Петропавл" автожолының төрт учаскесі жабылғаны айтылады.

Ақмола облысында автожолдың 377-ден 440 километріне дейінгі барлық автокөлік түрлері үшін қозғалысқа шектеу енгізілді. Бұл учаске Қостанай облысының шекарасынан Державинск қаласына дейін өтеді.

Қарағанды облысында жол 142-ден 252 километрге дейін жабық. Яғни Сарлық кентінен Қостанай облысының шекарасына дейінгі учаске.

Сондай-ақ Қостанай облысындағы "Жезқазған-Петропавл"автожолының екі учаскесі жабық екені айтылады. Нақтыласақ:

• Қарағанды облысының шекарасынан Арқалық қаласына дейінгі 252-ден 340 километрге дейінгі учаске;
• 340-377 километр аралығы немесе Арқалық қаласынан Ақмола облысының шекарасына дейін.