Елбасы балалардың шығармашылық жұмыстары қойылған көрмені тамашалады

Еліміздің тұңғыш президенті Нұрсұлтан Назарбаев Балалардың көркемөнер мектебі – ЮНЕСКО клубы оқушыларының шығармашылық жұмыстары қойылған көрмеге барды. Бұл туралы Елбасының ресми сайты хабарлады.

Нұрсұлтан Назарбаев "Менің Қазақстаным – менің жерім" атты балалар шығармашылығы фестивалі аясында Тұңғыш президент музейінде ұйымдастырылған картиналар мен қолөнер көрмесін тамашалаған.

Елбасы көрмеге қатысушы жас суретшілермен сөйлесіп, музейдің тақырыптық залдарындағы жаңа экспонаттармен танысты.