Еліміздің төрт өңірінде мамыр айында құрғақшылық болуы мүмкін

2022 жылдың мамыр айында Қазақстанның төрт облысының кей аудандарында құрғақшылық болады деп күтілуде. Бұл туралы KAZ.NUR.KZ тілшісі "Қазгидромет" РМК-ға сілтеме жасап хабарлайды.

Синоптиктердің болжамынша, мамыр айында Қазақстанның басым бөлігінде ылғалдылық нормаға жақын болады. Алайда кейбір аудандарда орташа деңгейде құрғақшылық күтіледі.

Олар:

• Ақтөбе облысы Әйтеке би және Хромтау аудандары;
• Қостанай облысы Жангелді ауданы;
• Қызылорда облысы Қазалы ауданы;
• Маңғыстау облысы Маңғыстау ауданы.

Орташа ылғалдылық Батыс Қазақстан, Атырау облыстарында, сондай-ақ Алматы және Жамбыл облыстарының оңтүстігінде сақталады.

Осы ретте "Қазгидромет" болуы мүмкін құрғашылық жайлы мәліметтерді еліміздің Ауыл шаруашылығы министрлігіне ұсынып отыратынын атап өтті.