Досаев Алматы халқымен өткен кездесуде күтпеген жерден бүлдіршіннің тұсауын кесті (фото)

Алматы қаласының әкімі Ерболат Досаев Алатау ауданы халқымен кездесу барысында бүлдіршіннің тұсауын кесті, деп хабарлайды KAZ.NUR.KZ тілшісі.

Қала басшысы Алатау ауданы тұрғындарымен аудандық мектептердің бірінде кездесу өткізген. Жиын барысында ұлттық киім киген ер адам микрофон алып, Досаевтан шөбересінің тұсауын кесуді сұраған.

Әкім келіскен соң сахнаға ақ мата төселіп, кішкентай бүлдіршінді ортаға алып келген. Ерболат Досаев оның аяғына жіпті өзі байлап, тұсауын кескен.

Осыдан кейін қала басшысы бүлдіршінді қолына алып, естелікке суретке түскен.

Мәтіннен қате тапсаңыз, бізге жазыңыз