Костюмдері қағаз, пластик және қалдықтан: Алматыда ерекше "сән көрсетілімі" өтті
Опубликовано:
Алматыдағы Панфилов көшесінде ерекше "сән көрсетілімі" өтті, деп жазады KAZ.NUR.KZ тілшісі.
2 мамыр күні кешке Панфилов көшесінде серуендеп жүрген алматылықтар мен қала қонақтары ерекше "сән көрсетілімінің" куәсі болды. Бірнеше жас қыз-жігіт Қабанбай батыр көшесінен Төле би көшесіне дейін өзгеше костюмдермен жүріп өткен.
"Сән көрсетілімінің" ерекшелігі сол - киімнің бірқатары ескі қағаздар мен полиэтилен пакеттерден жасалған.
Ал костюмдердің дизайны әр түрлі. Мысалы модельдердің бірі Көк-Төбе мұнарасы бейнеленген костюм киіп, ал мойнына респиратор тағып алған.
Қызғылт түсті қауырсыннан тігілген киім киген тағы бір бойжеткен фламингоны еске түсіреді.
Ал басқа костюмдерде қажетсіз заттар, бөтелкелердің қақпағы, ескі оттықтар мен өзге де қалдықтардың қолданылғанын байқауға болады.
Бұл "сән көрсетілімінің" ұйымдастырушысы әрі идея авторы кім екені белгісіз. Мұндай ерекше "сән көрсетілімі" қалада алғаш рет болып отыр және дизнайнер осы туындысы арқылы қоршаған ортаның қалай ластанып жатқанын көрсеткісі келгендей.
Мақаланың түпнұсқасы: https://kaz.nur.kz/society/1967746-kostyumderi-qagaz-plastik-zane-qaldyqtan-almatyda-erekse-san-korsetilimi-otti-foto/