Атырау облысында жоғалып кеткен 11 адам іздестіріліп жатыр

Атырау облысы Исатай ауданында жоғалып кеткен 11 адам іздестіріліп жатыр, деп хабарлайды ҚазАқпарат.

Облыстық ТЖД қоғаммен байланыс тобының хабарлауынша, Исатай ауданында көлікпен жолға шыққан 11 адам жоғалып кеткен.

"Бүгін, 9 мамырда сағат 10:50-де Исатай ауданында бір күн бұрын хабар-ошарсыз кеткен 11 адамды іздестіру қайта жалғасты. "УАЗ" маркалы автокөлігінің жүргізушісі мен 10 жолаушы 8 мамыр күні сағат 14:00-де "Ақмандай" учаскесіне бару үшін жолға шыққан.

Бұл учаске аудан орталығы – Аққыстау ауылынан 160 шақырым қашықта орналасқан. Алайда, жолға шыққан адамдар осы уақытқа дейін Аққыстау ауылына оралмағаны анықталды", - дейді ведомстводан.

Жоғалған адамдарды іздестіру жұмыстарына Атырау облыстық төтенше жағдайлар департаментінің 4 қызметкері мен жол талғамайтын "ТРЭКОЛ" техникасы тартылды.

Іздестіру іс-шарасына Исатай аудандық полиция бөлімінің 1 қызметкері шықты.3931336