Қайрат Сатыбалды мен Қайрат Боранбаевты тұтқында ұстау мерзімі тағы ұзартылды
Опубликовано:
Қайрат Сатыбалды мен Қайрат Боранбаевты тұтқында ұстау мерзімі тағы бір айға ұзартылды. Бұл туралы KAZ.NUR.KZ тілшісіне Нұр-Сұлтан қалалық сотының баспасөз қызметі хабарлады.
Нұр-Сұлтан қалалық мамандандырылған ауданаралық тергеу соты 12 мамыр күні күдікті Қайрат Сатыбалдыға қатысты тұтқында ұстау мерзімін 1 айға ұзартты.
Сондай-ақ сот 10 мамырда күдікті Қайрат Боранбаевқа да қатысты тұтқында ұстау түрінде санкцияланған бұлтартпау іс-шарасының мерзімін тағы 1 ай мерзімге ұзартылғанын мәлімдеді.
Айта кетейік, осыған дейін Сыбайлас жемқорлыққа қарсы қызмет Қайрат Сатыбалдыұлының ұсталып, тергеу изоляторына қамалғанын хабарлаған болатын.
Агенттік оның мемлекет қауіпсіздігіне нұқсан келтіретін басқа да қылмыстарға қатысы бар-жоғы тексеріліп жатқанын мәлімдеді.
15 наурызда Нұр-Сұлтан қаласының мамандандырылған ауданаралық тергеу соты оған қатысты 2 ай мерзімге күзетпен ұстау түріндегі бұлтартпау шарасын санкциялады.
Сонымен қатар наурыз айында кәсіпкер Қайрат Боранбаев та ұсталған болатын.
Мақаланың түпнұсқасы: https://kaz.nur.kz/society/1969169-qairat-satybaldy-men-qairat-boranbaevty-tutqynda-ustau-merzimi-tagy-uzartyldy/