Бүгін Қазақстан мегаполистерінде ауа райы қандай болмақ

17 мамыр күні елордада найзағай ойнауы мүмкін. Басқа екі мегаполисте күн райы ашық болады деп күтілуде. Бұл туралы "Қазгидромет" РМК ресми сайтында хабарлады.

Мамандар Нұр-Сұлтанда жауын-шашын болып, найзағай ойнайды деп отыр. Дегенмен қаладағы ауа температурасы +26...+28 болып қала бермек. Түнде термометр бағаны +10...+12 градусқа түседі. Желдің жылдамдығы 9-14 м/с, екпіні 15-20 м/с жетеді.

Ал Алматыда құбылмалы бұлтты күн райы күтіледі. Күндіз ауа температурасы +24...+26 градусты, ал түнде +14...+16 градусты құрайды. Жел жылдамдығы 2-7 м/с деңгейінде болмақ.

Шымкентте күн ашық әрі жылы болады. Сейсенбі күні мамандар қалада күндіз +29...+31 градус, ал түнде +17...+19 градус болатынын айтып отыр. Жел жылдамдығы 8-13 м/с құрайды.

Одан бөлек, Ақмола, Солтүстік Қазақстан, Батыс Қазақстан, Қарағанды, Павлодар, Маңғыстау және Түркістан облысында жауын-шашын болып, найзағай ойнауы ықтимал.

Жамбыл облысының оңтүстік-батысында, солтүстік-шығысында және таулы аудандарында, сондай-ақ Қостанай облысының батысында, солтүстігінде және шығысында найзағай, бұршақ және дауыл күтіледі.

Қызылорда облысының солтүстігінде және орталығында шаңды дауыл болуы ықтимал.