Таразда белгісіз біреу тұрғынды пышақпен қорқытып, алтындарын алып кеткен

Таразда жергілікті тұрғынды пышақпен қорқытып, тонап кетті деген күдікпен 23 жастағы жігіт ұсталды, деп хабарлайды Polisia.kz.

Басылымның дерегінше, "102" операторының пультіне облыс орталығының 29 жастағы тұрғыны хабарласқан.

Әйел сағат 14:30 шамасында белгісіз адам оның үйіне кіріп, пышақпен қорқытып, жалпы сомасы 700 мың теңге болатын алтын әшекейлерін алып кеткенін айтқан.

Жедел-іздестіру іс-шаралары барысында полиция қызметкерлері 23 жастағы жергілікті тұрғынды ізін суытпай анықтап, қолға түсірген. Ұсталған азамат кінәсін мойындаған.

Аталған факті бойынша Қылмыстық кодекстің 192-бабы 3-бөлігі ("Қарақшылық") бойынша сотқа дейінгі тергеу амалдары басталған. Сондай-ақ бірқатар қажетті сараптама тағайындалған.

Күдікті уақытша ұстау изоляторына қамалған. Одан заттай айғақтар тәркіленген.