ШҚО-да лауазымды тұлғалар танкіге ескі қозғалтқыш қою арқылы 1 млрд теңге жымқырған
Опубликовано:
Шығыс Қазақстан облысында "Семей машина жасау зауыты" АҚ лауазымды тұлғалары 1 млрд теңгеден астам қаржыны жымқырғаны анықталды. Бұл туралы Қаржы мониторингі агенттігі Telegram арнасында хабарлады.
Ведомствоның мәліметінше, ұрлық қосалқы бөлшектердің құнын арттыру және еліміздің әртүрлі әскери бөлімдеріне пайдаланылған танк қозғалтқыштарын, сондай-ақ танк шлемофондарын жеткізу арқылы жасалған.
"Тергеу барысында "Семей машина жасау зауытының" бас директорының бірінші орынбасары Сүлейменовтің танктерге арналған жаңа қозғалтқыштардың орнына 1985-2012 жылдары шығарылған қозғалтқыштарды жеткізуді әдейі ұйымдастырғаны анықталды", - деді Қаржы мониторингі агенттігінен.
Семей сотының үкімімен ол кінәлі деп танылып, 7 жылға бас бостандығынан айырылды.
Айта кетейік, бұған дейін Семейде құрылыс компаниясының директоры алаяқтық жасады деген күдікпен ұсталған болатын.
Мақаланың түпнұсқасы: https://kaz.nur.kz/society/1970025-elimizde-askeri-texnikalarga-zana-qozgaltqystardyn-ornyna-eskisi-zetkizilip-otyrgan/