Оралда ақша бопсалаған 23 жастағы жігіт ұсталды

Оралда ақша бопсалаған 23 жастағы ер адам ұсталды, деп хабарлайды ҚазАқпарат.

Оқиға қаланың ортасындағы орталық мешіт маңында болған.

БҚО полиция департаменті баспасөз қызметінен түскен мәліметке қарағанда, күні кеше сағат 17.20-да департаменттің экстремизмге қарсы іс-қимыл басқармасының қызметкерлері Ақсай қаласының тұрғынынан ақша бопсалаған 23 жастағы жас жігітті қолға түсірген.

"Аталған дерек бойынша Қылмыстық кодекстің 194-бабы 3-бөлігіне сәйкес сотқа дейінгі тергеу амалдары басталды. Қылмыстық іс жүргізу кодексінің 201-бабына сәйкес басқа ақпарат жарияланбайды". - деп хабарлады ведомстводан.

Еске салайық, осыған дейін Алматыда кәсіпкерден 260 мың доллар бопсалады деген күдікпен 41 жастағы ер адам ұсталғанын хабарлаған едік. Күдікті өз кінәсін мойындады.