Бұрынғы қорғаныс министрі Мұрат Бектановты қамауда ұстау мерзімі ұзартылды

Бұрынғы қорғаныс министрі Мұрат Бектановты қамауда ұстау мерзімі ұзартылғаны белгілі болды, деп хабарлайды KAZ.NUR.KZ тілшісі Алматы қалалық сотының баспасөз қызметіне сілтеме жасап.

"Қамауда ұстау мерзімі 20 маусымға дейін ұзартылды", - делінген соттың баспасөз қызметінен.

Одан бөлек экс-министрдің ісі әлі сотқа түспеген.

Еске салсақ, Мұрат Бектанов биыл 19 қаңтарда қорғаныс министрі лауазымынан босатылған еді. Мемлекет басшысы Қасым-Жомарт Тоқаев министрдің командирлік қабілет көрсете алмағанын сынға алған болатын.

Ақпан айының соңында Бас прокуратура Бектановтың ұсталып, уақытша тергеу изоляторына қамалғанын мәлімдеді.

Ведомствоның мәліметінше, экс-министрдің іс-әрекеттері Қылмыстық кодекстің 451-бабы 3-бөлігі (билікті асыра пайдалану) бойынша қарастырылуда.

Егер кінәсі дәлелдесе, ол 15 жылға дейін бас бостандығынан айырылуы мүмкін.

Мақаланың түпнұсқасы: https://kaz.nur.kz/society/1971664-eks-qorganys-ministri-murat-bektanovty-qamauda-ustau-merzimi-uzartyldy/