"Дикий Арманды" қамауда ұстау мерзімі ұзарды
Опубликовано:
"Дикий Арман" лақап атымен танымал Арман Жұмагелдиевті қамауға алу мерзімі 7 тамызға дейін ұзарды, деп хабарлайды KAZ.NUR.KZ тілшісі Алматы қалалық сотына сілтеме жасап.
"3 маусымда ауданаралық тергеу соты тергеу өтінішін қарап, Арман Жұмагелдиевті қамауда ұстау мерзімін 7 тамызға дейін ұзартты", – делінген қалалық сот таратқан хабарламада.
Айта кетейік, "Дикий Арманның" ұсталғаны туралы ақпарат 7 қаңтар күні тараған еді. 11 қаңтар күні ол екі айға қамауға алынды.
Наурыз айында "Дикий Арманды" қамауда ұстау мерзімі 7 сәуірге дейін ұзартылды. Кейінірек. оны қамауда ұстау мерізмі 7 маусымға дейін ұзарған болатын.
Ол Қылмыстық кодекстің 272-бабы "Жаппай тәртіпсіздік" және 287-бабы "Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру" бойынша күдікке ілініп отыр.
Мақаланың түпнұсқасы: https://kaz.nur.kz/society/1972807-dikii-armandy-qamauda-ustau-merzimi-uzardy/
