Top.Mail.Ru

Сайт нұсқасы

ru kz

Зектілері

"Оңтүстік Кореяға виза рәсімдеп беруге уәде етті": Қызылорда тұрғындары алаяқтың құрбаны болды

Опубликовано:

Ақша
Көрнекі фото: NUR.KZ/Петр Карандашов

Қызылордада Оңтүстік Кореяға виза құжаттарын рәсімдеп беремін деп тұрғындарды алдаған әйел ұсталды. Келтірілген шығын мөлшері - 4,3 миллион теңге, деп хабарлайды ІІМ ресми сайты Polisia.kz.

5 маусым күні Қызылорда қалалық полиция басқармасының кезекші бөліміне 49 жастағы қала тұрғыны жүгінді. Белгілі болғандай, бейтаныс азаматша Оңтүстік Кореяға жұмысқа орналастыруға екі баласына виза құжаттарын рәсімдеп бере алатындығын айтып, 1,5 млн теңге ақшасын алдап алған.

Сол күні полицияға төрт қала тұрғыны алаяқтық дерегі бойынша осындай мазмұнда арыз түсірген. Белгісіз азаматшалардан жұмыс ақысы үшін 700 мың теңгеден алған. Келтірілген шығын – 4,3 млн теңге.

Қызылордалық полицейлер жедел-іздестіру жұмыстарын жүргізіп, күдікті деп танылған облыс тұрғынын анықтап, полиция бөліміне жеткізді. Орта жастағы күдікті азаматшаның жалған ақпарат беріп, ақшаны өз қажеттілігіне жұмсағаны белгілі болды.

Қазіргі уақытта аталған дерек бойынша Қазақстан Республикасы Қылмыстық кодексінің 190-бабының 1-бөлігі (Алаяқтық) бойынша сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Полицейлер оқиғаның мән-жайларын анықтауда.

Мақаланың түпнұсқасы: https://kaz.nur.kz/society/1973241-ontustik-koreyaga-viza-rasimdep-beruge-uade-etti-qyzylorda-turgyndary-alayaqtyn-qurbany-boldy/

pixel