Каспий теңізіне батып кете жаздаған азаматты шекарашылар құтқарып қалды

Каспий теңізіне батып кете жаздаған маңғыстаулық азаматты ҰҚК Шекара қызметінің қызметкерлері құтқарып қалды.

Келеңсіз жағдай 9 маусымда болған.

Бұл оқиға туралы Lada.kz-ке Ұлттық қауіпсіздік комитеті Шекара қызметінің Маңғыстау облысы бойынша департаментінің аға лейтенанты Асхат Жаналипов айтып берді.

Жаналиповтың сөзінше, батып бара жатқан азаматты сол маңда болған шекара қызметінің мамандары байқап қалып, құтқарған.

"Ол жағадан жүзіп шығып, өздігінен шыға алмай, суға бата бастады. Судың ағыны оны әрі қарай тарта берді. Біз оны бортқа көтеріп, көмек көрсеттік", - дейді шекара кемесінің командирі.

Барлық қажетті көмек көрсеткеннен кейін шекарашылар ер адамды Ішкі істер министрлігінің төтенше жағдайлар бойынша комитетінің қызметкерлеріне табыстаған.

Еске сала кетейік, бұған дейін Ақтауда пристен теңізге секірген жігіттің бірі батып кетіп, көз жұмғаны хабарланған еді.