Мәжіліс төрағасы әйелдердің зейнетке шығу жасын төмендетуге қатысты пікір білдірді

Опубликовано:

Әжей
Көрнекі фото: pixabay.com

Әйелдердің зейнетке шығу жасын төмендету үшін мемлекеттің қаржы мүмкіндігін ескеру керек. Бұл туралы мәжіліс төрағасы Ерлан Қошанов айтты, деп хабарлайды ҚазАқпарат.

Бүгін палатаның жалпы отырысынан кейін тілшілер Ерлан Қошановқа әйелдердің зейнетке шығу жасын 58-ге төмендетуге қатысты сұрақ қойды.

"Бұл мәселеге жеңіл қарауға болмайтын шығар. Себебі бұл бағытта мемлекеттің мүмкіншілігін де қарау керек. Қазіргі кезде тиісті талап-тілектер айтылып жатыр, оның барлығын білеміз. Өңірлерге барған кезде де бұл ұсыныстар айтылды.

Осы мәселеге қатысты ұсыныстарды пысықтау керек. Ол бойынша үкімет, тиісті құзыретті орган жұмыс істеп жатыр. Бұл ретте қандай нәтиже болатынын алдағы уақытта көреміз", - деді мәжіліс төрағасы.

Еске сала кетсек, бұған дейін парламент сенатының депутаты Дана Нұржігіт әйелдердің зейнетке шығу жасын 58 жасқа дейін төмендетуді ұсынғанын жазған едік.

Мақаланың түпнұсқасы: https://kaz.nur.kz/society/1974216-mazilis-toragasy-aielderdin-zeinetke-sygu-zasyn-tomendetuge-qatysty-pikir-bildirdi/

jitsu gif