Қостанай облысында арнайы операция барысында қылмыстық топ ұсталды

Қостанай облысында арнайы операция барысында қылмыстық топ ұсталды. 23 маусымда Алтынсарин ауданында ұрланған малды тасымалдайтын екі "ГАЗель" тоқтатылды, деп хабарлайды KAZ.NUR.KZ тілшісі өңірлік ПД баспасөз қызметіне сілтеме жасап.

Криминалдық полиция басқармасының бастығы Ербол Қайырбековтың айтуынша, өңірде мал ұрлығы фактілерін ашумен айналысатын арнайы топтар құрылған.

Жыл басынан бері Амангелді, Қостанай және Қарасу аудандарында төрт қылмыстық топ ұсталды. Олар 70-тен астам мал ұрлаған.

23 маусымда Алтынсарин ауданында жедел іс-шараларды өткізу кезінде ұрланған 10 жылқы тасымалданған екі "ГАЗель" тоқтатылды.

"Кейінірек облыстың басқа аудандарының аумағында жазғы кардтардан 40-тан астам ұрланған мал мен үш қару (ойық және тегіс ұңғылы) тәркіленді", - деді полиция полковнигі.

Қазіргі уақытта 6 күдікті ұсталған. Олар Қостанай облысының тұрғыны болып шыққан. Қылмыстық кодекстің 188-1-бабы "Мал ұрлығы" бойынша сотқа дейінгі тергеу басталды. Қажетті тергеу әрекеттері жүргізілуде.