Министрлік Қазақстанда қандай этнос өкілдері өмір сүріп жатқанын хабарлады

Ақпарат және қоғамдық даму министрлігі Қазақстан халқы ассамблеясының 2026 жылға дейінгі даму тұжырымдамасын жариялады. "Ашық НҚА" порталында жарияланған құжатта 2022 жылғы 1 қаңтардағы халықтың этникалық құрамы туралы дерек бар.

Министрлік ұсынған ақпаратқа сәйкес, 2022 жылғы 1 қаңтардағы жағдай бойынша Қазақстан халқының саны 19 миллион 122 мың адамды құраған.

Оның ішінде:

• қазақтар – 69,03 пайыз,
• орыстар – 18,47 пайыз,
• өзбектер – 3,29 пайыз,
• ұйғырлар – 1,5 пайыз,
• украиндар – 1,3 пайыз,
• татарлар – 1,06 пайыз,
• немістер – 0,92 пайыз,
• түріктер – 0,61 пайыз,
• кәрістер – 0,57 пайыз,
• әзербайжандар – 0,61 пайыз,
• дүнгендер – 0,40 пайыз,
• белорустар – 0,28 пайыз,
• тәжіктер – 0,27 пайыз,
• күрдтер – 0,25 пайыз,
• шешендер – 0,18 пайыз,
• поляктар – 0,15 пайыз,
• башқұрттар – 0,09 пайыз,
• басқа этнос өкілдері – 1,04 пайыз.

Айта кетейік, соңғы үш жылда Қазақстандағы халықтың саны 2,6 пайызға өскен.